مفتاح ورغيف حواوشي - جوزيف عادل

مفتاح ورغيف حواووشي

 زمان كان في برنامج بيجي علي قناه سبيس توووون
 اسمه الرابط العجيب البرنامج ده كان بيجيب حاجتين 
ويسأل  يا تري ايه الرابط العجيب اللي  بينهم .  

النهارده افتكرت البرنامج ده ..

 وقلت اشوف حاجتين غير بعض خالص واحاول اشوف  ايه الرابط اللي بينهم  الحاجتين دوول طلعوا  المفتاح ورغيف الحواووشي  ؟؟؟ فكر معايا كده ...
 يا تري ايه الرابط العجيب  بين المفتاح ورغيف الحواووشي ؟؟

..ايه غلب حمارك ؟؟؟ .  طيب ..  اقولك انا ع الرابط ..

انا قعدت أفكر  يا تري هو إنا بحب مصر ليه ؟؟ ايه اللي فيها يتحب ؟؟ اكتشفت حاجه غريبه ان الحاجات دي هي : عم فكري بتاع الزلابيه وعصير العائلات وادريس وزيزو  وعم ايمن وحبايب السيده وبابا عبده  ورضوان وفرغلي ومللك الحواووشي  .

 امممممممم يا لاهوي دانا طلعت عيل طفس ... بحب الاكل زي عنيا ..

بصيت لقيت صوت جوايا بيقول  : لأ يا عم دي جينات يا د احنا اصلاً شعب اكيل 
تصدق صح .. ده احنا الشعب الوحيد تقريبا ف العالم اللي بيربط كل مناسبه بأكلة 

 العيد الكبير بالفته وشم النسيم بالفسيخ ورمضان بالكنافه  
و عيد الميلاد بالتورتة و ....

علي ما اعتقد ان مفيش مناسبه عندنا  ملهاش علاقه بالاكل .

 إذن  هنالك رابط عجيب  
ما بين حبي لمصر و  رغيف حواووشي  وصايه من عند مللك الحواووشي . 

طيب .. و ايه علاقه حب مصر بالمفتاح ؟؟

اقوللك أنا ..  إحنا علشان بنحب مصر
 فأحنا لسه صابرين ع الزحمه والفوضي  وعلي سواقين الميكروباص لسه صابرين ع موظفين الحكومه  وعلي  .........

في علاقه بتربط رغيف الحواووشي بحب مصر وحب مصر بالصبر و الصبر مفتاح الفرج .

8 خمسات ... مقال لجوزيف عادل

السيد الاستاذ الدكتور رئيس الجمهورية 
                                           بعد التحية ..

سياده الرئيس انا المواطن تمن خماسات ( رقم خمسه خمسة وخمسين مليون خمسمائة خمسة وخمسين ألف خمسمائة خمسة وخمسين )

وده طبعا رقمي في التعداد السكاني اللي علي ما اسمع وصل 90 مليوون بني ادم

سياده الرئيس انا امبارح اتعرضت لمحاوله  سطو مسلح كنت ف طريقي للبيت  راجع من القاهره حوالي الساعه 11.27 دقيقه اعترض طريقي ثلاثه بلطجيه اتين منهم يحملون مواسيير حديد و الثالث يحمل مطواه  اوقفوني بحجه السؤال عن الساعه.. الكلام ده يا ريس عن حلواني أخر  ساعه ايوووووووه اللي عند الاستاد ( الله يفتح عليك ) 

57 جنيه و 75 قرش  وموبيل نوكيا 6230i    و تي شيرت جديد من nas trends مطبوع عليه ( مصر بكره أحلي ) وهيا دي الحاجات المهمه اللي كانت معايا ..

احب اطمن سيادتك انهم معرفوش ياخدوا مني لا حق ولا باطل  ( الحمد لله ) وده لإني غفلتهم وجريت بأقصي سرعه ليا  لحد لما وصلت لمكان مليان ناس ... قطعوا نفسي امبارح يا ريس بس الحمد لله جت سليمه

سياده الرئيس انا مش عايز اطوول عليك علشان عارف مشغولياتك

بس يا ريس اخر كلمتين عايز اقولهملك

انت عارف ياريس المشكله عندي ف ايه ؟؟؟ مش احساس الرعب وعدم الامان اللي هما سابوني فيه لكن المشكله ان ده حصل الساعه 11.27 دي لسه موصلتش و نص يا ريس .. وتاني حاجه ان كنت  عمري ما هفرط في التي شيرت ولو ع جثتي .

يا ريس لو مش هتعرف ترجعلي احساس الامان تاني يبقي .................

                                                                           هذا للعلم واتخاذ ما يلزم نحو بلد يسوده الامن

                                                                                                                                    توقيع 

                                                                                                                              المواطن تمن خمسات